Mae Portadown yn ardal boblog iawn â diweithdra uchel a phroblemau sectyddol. Mae llawer o aelodau'r grŵp heb gael fawr o addysg. Trwy weithio gyda thiwtoriaid ysgrifennu creadigol, maent wedi gwella eu sgiliau llythrennedd a'u hyder. Bydd aelodau'r grŵp yn casglu detholiaid o'u hysgrifennu creadigol dros y flwyddyn ddiwethaf - gan roi hwb pellach i'w hunan-barch.

Prosiect:		Rhaglen Datblygu Personol (Ymddiriedolaeth Dai Central & Cecil)
Categori:		Sgiliau sylfaenol

Mae'r Rhaglen yn darparu cyngor a chymorth ymarferol i fenywod digartref i'w helpu i ddod o hyd i atebion hirdymor i'w problemau a datblygu sgiliau er mwyn byw yn annibynnol. Bydd tiwtor cymwysedig yn darparu dosbarthiadau llythrennedd ddwywaith yr wythnos mewn dwy hostel. Bydd gwersi a gafodd eu llunio'n arbennig yn ymwneud â sgiliau ysgrifennu sylfaenol, ysgrifennu brasluniau bywyd ac ysgrifennu storïau byrion.

Prosiect:		Ysbryd yr Ynysoedd
Categori:		Ysgrifennu Creadigol

Nod y prosiect hwn yw datblygu sgiliau ysgrifennu creadigol yn yr Hebrides Allanol a chodi pontydd rhwng cymunedau mewn ardaloedd anghysbell. Bydd gweithdai yn ysgogi ysgrifennu sy'n dathlu'r amgylchedd diwylliannol, cymdeithasol a naturiol unigryw a rhoi llais i'r unigolyn yn y gymuned ehangach.

Prosiect:		Write-on Dads
Categori:		Dan Anfantais

Bydd carcharorion o Garchar EM Caerwysg sy'n cymryd rhan yn y prosiect hwn yn gallu cadw mewn cysylltiad â'u plant trwy recordiau storïau ar dâp neu gryno-ddisg. Cynhelir tri chwrs 10-wythnos dros gyfnod o flwyddyn, gan ganolbwyntio ar sgiliau ysgrifennu a deall llyfrau plant priodol ar gyfer oedrannau gwahanol. Bydd rhieni'n darllen storïau yn uchel er mwyn creu llyfrau sain i'w plant.

Prosiect:		Anfon Gair
Categori:		Anableddau

Bydd Anfon Gair yn targedu pobl agored i niwed dros 55 oed er mwyn ailgynnau a rhannu'r sgiliau darllen ac ysgrifennu sydd ganddynt ar hyn o bryd. Cânt eu hannog i ysgrifennu at eraill - naill ai oedolion sy'n gaeth i'w cartrefi neu blant ysgol. Bydd Cyngor yr Henoed Stockport yn helpu i gael hyd i wirfoddolwyr, a bydd y rhain yn cael cymorth llythrennedd un-i-un a chynorthwyon i'w helpu i weld neu ddal ysgrifbin pan fo angen hynny.
Mae'r Ymddiriedolaeth Lythrennedd Genedlaethol wedi rhoi ei chefnogaeth i'r Gronfa a gallwch weld manylion pellach am bob un o'r prosiectau ar gyfer 2001 a 2003 ar ei gwefan www.literacytrust.org.uk.