Mae'r Pwyllgor Taliadau, y Pwyllgor Archwilio a Risg a'r Pwyllgor Enwebu yn bwyllgorau ffurfiol o'r Bwrdd. Nodir cylch gorchwyl y Pwyllgorau hyn isod.

Y Pwyllgor Taliadau - Cylch Gorchwyl

Swyddogaeth

• Pennu ar gyfer cymeradwyaeth y Bwrdd y fframwaith ar gyfer tâl uwch swyddogion gweithredol (y 120 pennaf) y Cwmni - gan gynnwys yr ymagwedd ynghylch pennu cyflog sylfaenol, cynlluniau bonws blynyddol, cynlluniau cymhelliant hirdymor, darparu pensiwn, a buddion eraill.
• Pennu'r pecynnau tâl unigol ar gyfer y Cadeirydd, y cyfarwyddwyr gweithredol ac Ysgrifennydd y Cwmni, yn amodol pan fo angen ar ganiatâd yr Ysgrifennydd Gwladol.
• Cytuno ar y targedau ar gyfer unrhyw gynlluniau cymhelliant sy'n berthynol i berfformiad ac sy'n berthnasol i gyfarwyddwyr gweithredol ac uwch-swyddogion gweithredol eraill.
• Cytuno, ar ôl derbyn mewnbwn gan yr Ysgrifennydd Gwladol, lefel y taliadau bonws blynyddol i'r cyfarwyddwyr gweithredol.
• Cytuno ar ffurf safonol y contract ar gyfer cyfarwyddwyr gweithredol ac uwch-swyddogion gweithredol eraill.
• Gofalu bod y telerau cytundebol ar gyfer cyfarwyddwyr ac uwch-swyddogion gweithredol, pan fo'r cytundeb yn dod i ben, ac unrhyw daliadau a wneir, yn cydymffurfio â pholisi'r cwmni.
• Cytuno ar Adroddiad Taliadau'r Cyfarwyddwyr yn yr Adroddiad Blynyddol a Chyfrifon gan sicrhau bod y gofynion ar gyfer datgeliad priodol o'r manylion am daliadau, gan gynnwys pensiynau, yn cael eu diwallu.
• Cyflwyno trafodion y pwyllgor i'r Bwrdd.

David Fish (Cadeirydd)
Syr Mike Hodgkinson
Richard Handover
Cworwm - dau

Amlder y cyfarfodydd

O leiaf yn chwarterol, ac yn ôl yr angen.

Y Pwyllgor Enwebu - Cylch Gorchwyl

Role
Ar gyfer penodiadau i'r Bwrdd Daliadau:

• Gwerthuso cydbwysedd sgiliau, gwybodaeth a phrofiad ar y Bwrdd er mwyn bwydo'r galluoedd sydd eu hangen ar gyfer penodiad penodol.
• Gweithio gyda'r paneli craffu a sefydlwyd o dan reolau OCPA i ddewis ymgeiswyr i lenwi swyddi gwag sydd ag angen caniatâd yr Ysgrifennydd Gwladol.
• Gofalu bod cyfarwyddwyr anweithredol, ar ôl cael eu penodi i'r Bwrdd, yn derbyn llythyr penodi ffurfiol sy'n nodi'n glir yr hyn a ddisgwylir ganddynt o ran amser yn gwasanaethu'r pwyllgor a chyfranogiad y tu allan i gyfarfodydd y Bwrdd.

• Enwebu ymgeiswyr addas i fod yn Gyfarwyddwyr ar Fyrddau is-Fyrddau/ Byrddau cyd-fenter/prif Bwyllgorau Gweithredol Unedau Busnes.
• Enwebu ymgeiswyr addas i fod yn ymddiriedolwyr cynlluniau pensiwn y Cwmni, ac ymddiriedolwyr yr Ymddiriedolaeth Dreftadaeth Bost.

• Bod â phroses cynllunio olyniaeth mewn grym sy'n ystyried yr heriau a'r cyfleoedd sy'n wynebu'r Cwmni, a'r sgiliau a'r arbenigedd sydd eu hangen yn y dyfodol.
• Adolygu'r broses o olyniaeth ar gyfer rheolwyr oddi mewn i'r cwmni ar gyfer y 120 uwch-reolwr pennaf.

• Cyflwyno trafodion y pwyllgor i'r Bwrdd Daliadau, ac yn yr adroddiad blynyddol.

Richard Handover (Cadeirydd)
David Fish
Allan Leighton
Cworwm - dau

Amlder y cyfarfodydd

O leiaf yn chwarterol, ac yn ôl yr angen.

Pwyllgor Archwilio a Risg - Cylch Gorchwyl

Swyddogaeth
Parthed archwilwyr allanol:

• Ystyried penodi'r archwilwyr allanol ac asesu eu hannibyniaeth, gan ofalu bod partneriaid allweddol yn newid yn eu tro fel y bo'n briodol. Goruchwylio'r broses o ddewis yr archwilwyr allanol a gwneud yr argymhellion priodol i'r Bwrdd.
• Cytuno ar y ffi archwilio a chymeradwyo ymlaen llaw unrhyw ffioedd mewn perthynas â gwasanaethau nad ydynt yn ymwneud ag archwilio a ddarperir gan yr archwilwyr allanol, a sicrhau nad yw'r ddarpariaeth o wasanaethau nad ydynt yn ymwneud ag archwilio yn amharu ar annibyniaeth a gwrthrychedd yr archwilwyr allanol.
• Trafod a chytuno â'r archwilwyr allanol, cyn cychwyn y gwasanaethau, natur a chwmpas y gwaith i'w wneud gan yr archwilwyr allanol, ac adolygu gweithdrefnau'r archwilwyr parthed rheoli ansawdd a'r camau sy'n cael eu cymryd i ymateb i newidiadau mewn gofynion rheoleiddiol ac eraill.
• Adolygu llythyr rheoli'r archwilwyr allanol ac ymateb y rheolwyr.

• Adolygu cwmpas a rhaglen y gweithgareddau archwilio mewnol er mwyn sicrhau bod sylw parhaus yn cael ei roi i risgiau busnes, prosesau a rheolaethau allweddol.
• Gofalu bod yr archwilio mewnol yn mabwysiadu safonau proffesiynol, yn cael digon o adnoddau ac yn cael cydnabyddiaeth briodol oddi mewn i'r cwmni.
• Cymeradwyo penodi neu ddiswyddo'r Cyfarwyddwr Archwilio Mewnol a Rheoli Risg.
• Adolygu adroddiadau archwilio mewnol a rheoli busnes ynghylch pa mor effeithlon yw systemau'r cwmni ar gyfer adrodd ariannol, rheolaeth fewnol a rheoli risg.
• Ystyried ymateb a chynnydd y rheolwyr o ran delio ag argymhellion o bwys gan archwilio mewnol neu allanol.

• Adolygu, a herio pan fo angen, y gweithrediadau a'r farn gan y rheolwyr mewn perthynas â'r datganiadau ariannol dros dro a blynyddol cyn eu cyflwyno i'r Bwrdd, gan roi sylw penodol i:
  a. Polisïau ac arferion archwilio, gan gynnwys newidiadau.
  b. Penderfyniadau ag angen elfen sylweddol o farn.
  c. Y graddau y mae trafodion anghyffredin yn dylanwadu ar y datganiadau ariannol a sut y cafodd y rhain eu datgelu.
  d. Digonolrwydd ac eglurdeb datgeliadau.
  e. Cymwysiadau o bwys sy'n deillio o archwilio allanol.
  f. Y rhagdybiaeth busnes hyfyw.
  g. Cydymffurfio â safonau archwilio.
  h. Cydymffurfio â gofynion cyfreithiol/rheoleiddiol.
  i. Adolygu datganiad y cwmni ar systemau rheolaeth fewnol cyn iddo gael ei gadarnhau gan y Bwrdd ac adolygu'r polisïau a'r broses ar gyfer adnabod ac asesu'r risgiau y mae'r cwmni'n agored iddynt a rheoli'r risgiau hynny gan y cwmni.

• Adolygu dulliau gweithredu'r cwmni ar gyfer trafod honiadau gan chwythwyr chwiban.
• Derbyn ac adolygu adroddiadau cyson gan y Pwyllgor Rheoli Risg Corfforaethol (is-bwyllgor o'r Pwyllgor Archwilio a Risg).

Bob Wigley (Cadeirydd)
John Neill
Fonesig Prosser
Cworwm - 2 Gyfarwyddwr

Amlder y cyfarfodydd

Chwarterol, ac yn ôl yr angen.