Rhwydweithiau unigryw, dosbarthu di-ail

Mae partneriaethau post a logisteg cryf oddi mewn i'r farchnad ddosbarthu fyd-eang yn hanfodol er mwyn diwallu anghenion cynyddol soffistigedig ein cwsmeriaid. Trwy adeiladu ar ein cryfderau craidd a chael mynediad i farchnadoedd tramor dethol rydym wedi cyfnerthu ein gweithgaredd rhyngwladol ac rydym yn gallu cynnig dewis o gynhyrchion a gwasanaethau i gleientiaid yn y DG a ledled y byd.

Parseli

Mae General Logistics Systems (GLS) yn gwmni holl-Ewropeaidd sy'n darparu gwasanaethau dosrannu parseli sy'n ddibynadwy ac o ansawdd uchel. Mae gan GLS rwydwaith cynhwysfawr mewn 30 o wledydd Ewropeaidd sy'n cynnwys cwmnïau sy'n eiddo'n llwyr iddo neu sy'n bartneriaid.

Mae GLS yn arbenigo mewn gwasanaethau integredig o ddosrannu parseli a chynnig dosbarthu cyflym i gwsmeriaid ledled Ewrop.

Mae gwasanaethau GLS yn seiliedig ar werthoedd craidd y cwmni, sef Ansawdd, Dibynadwyedd, Hyblygrwydd a Chost-effeithiolrwydd. Ceir tystiolaeth o hyn yn yr egwyddor 'Dilyn ac Olrhain' a llif data hygyrch a pharhaus sy'n monitro symudiad eitemau ac sy'n galluogi cwsmeriaid i ddilyn eitem o'i chasglu i'w dosbarthu.

Mae GLS yn cael diffinio ei uchelgeisiau ei hun ar gyfer refeniw a thwf proffidiol, gyda chefnogaeth ymrwymedig ei gyfranddaliwr, Grŵp y Post Brenhinol ccc.

I gael rhagor o wybodaeth am General Logistics Systems, a fyddech cystal ag ymweld â'i wefan www.gls-holding.com.

Post

Parhaodd ein gweithgareddau post llythyrau i ddatblygu yn ystod y gwanwyn, ac erbyn hyn mae ein menter ar y cyd â TPG a Singapore Post yn frand byd-eang. Yn ogystal, rydym yn gweithredu yn yr Iseldiroedd, ac rydym ar flaen y farchnad mewn dosbarthu ymchwil o-ddinas-i-ddinas trwy ein buddsoddiad yng Ngrŵp Citipost.

Yr Iseldiroedd
Mae RM Netherlands yn is-gwmni sy'n eiddo'n llwyr i Grŵp y Post Brenhinol ccc. Dechreuodd weithredu ym mis Hydref 1999, gan ganolbwyntio'n llwyr ar ddosbarthu post rhyngwladol y Post Brenhinol i'r Iseldiroedd. Mae RM Netherlands yn prosesu post rhyngwladol y tu allan i'r monopoli (deunydd printiedig, pecynnau, a phost personoledig dros 100g) sy'n deillio o'r DG ac yn dosbarthu'r eitemau mewn ardaloedd busnes allweddol yn yr Iseldiroedd.

I gael rhagor o wybodaeth am RM Netherlands a fyddech cystal ag ymweld â'i wefan www.rm-nl.nl.

Gwasanaethau eraill

Bills Online™
Ar gael hefyd yn yr Almaen mae gwasanaeth electronig ar gyfer cyflwyno a thalu biliau. Gan ddefnyddio'r dechnoleg we ddiweddaraf i ddiwallu anghenion y farchnad talu biliau trwy ddulliau electronig mae billsonline.com yn ehangu amrediad y gwasanaethau y gallwn ni eu cynnig i gleientiaid a chwsmeriaid.

Billsonline.com yw'r ffordd hwylus a diogel i'ch cwsmeriaid weld a storio'u biliau. Nod Billsonline.com yw ei gwneud hi'n haws nag erioed i ddelio â biliau. Ar gael i gartrefi a busnesau, mae ein gwefan ddiogel a hawdd ei defnyddio'n caniatáu i gwsmeriaid benderfynu pa filiau i'w talu a phryd i'w talu.

Yn ogystal â galluogi cleientiaid yn y DG i gyflwyno'u biliau i'w talu trwy Billsonline.com, rydym yn gobeithio ehangu ein gwasanaethau yn Ewrop. Bydd ein gwasanaeth mewn gwledydd megis yr Almaen yn galluogi cwmnïau i gyflwyno eu biliau, cyfriflenni ac anfonebau i'w cwsmeriaid a chynnig mynediad i'r gwasanaeth yn iaith y cwsmer.

Bydd y cwsmeriaid sy'n mynd i Billsonline.com yn elwa trwy gael mynediad i, a storio, amrediad o filiau mewn un lle. Bydd ganddynt fwy o reolaeth dros eu biliau, a gallant reoli arian yn well. Mae cymorth llawn ynghylch y system ar gael trwy gyfrwng e-bost, canolfan alwadau ac ar-lein.

Mae cleientiaid yn elwa o'r potensial ar gyfer arbedion hirdymor o ran costau, ynghyd â'r fantais gystadleuol o ddarparu gwasanaeth gwerth-ychwanegol i gwsmeriaid trwy'r dewis sydd ar gael. Mae yna gyfleoedd i dargedu cwsmeriaid, a'r gallu i roi negesau marchnata, gan gynnwys gwybodaeth farchnata bersonoledig ar y bil, er mwyn hwyluso marchnata un-i-un.

Byddwn yn dal i gyflwyno bilwyr newydd yn ystod y misoedd nesaf a byddwn yn rhoi gwybod i chi am ddatblygiadau newydd i'n gwasanaeth.

Os hoffech gael rhagor o wybodaeth am y cynnyrch hwn, a fyddech cystal â chysylltu â lynette.brown@royalmail.com neu ymweld â gwefan Billsonline yn www.billsonline.com.